"Жас маман" жобасын жүзеге асыру және ауылдық коллеждерге әдістемелік көмектер көрсету туралы, Қарағанды облысының білім басқармасының 27 желтоқсан 2021 жылғы 816 ұсыныс хатын орындау мақсатында, Қарағанды техникалық-құрылыс колледжінің шақыруымен Ақтоғай аграрлық-техникалық колледжінің педагогтары, аталған колледждің Құзіреттілік орталығымен танысып, тәжірибе алмасты. Алдағы уақытта білікті мамандар даярлауда Құзіреттілік орталығының жабдықтарын бірлесе пайдалану мақсатында екі жақты меморандумға қол қойылып, бірлескен іс-шаралар жоспары жасалатын болып келісілді.