15 қараша 2022 жылы Техникалық және кәсіптік білім беру ұйымдарында бірыңғай "Жұмыс беруші күні" атап өтілді. Аталған іс-шаралар аясында Ақтоғай аграрлық -техникалық колледжінде оқу орынының кәсіптік практика базасы болып табылатын, әлеуметтік серіктес кәсіпорындар "Берер" ЖШС, "Ақтоғай су" ЖШС, "Хасенов Е" жеке кәсіпкерлігі жетекшілері колледждің материалдық-техникалық базасымен танысып, колледж инженер-педагогтарымен "Дуальды оқыту ерекшеліктері" тақырыбында тәжірибе алмасты.
Дуальды оқыту бойынша колледждің практика базасы болып табылатын "Берер" ЖШС жетекшісі Отыншин Ертай Ханелұлы, "Ақтоғай су" ЖШС жетекшісі Керімбай Ерден Марленұлы білікті кадрлар қалыптастырудағы табысты ынтымақтастық үшін ҚР Оқу-ағарту министрінің Алғыс хатымен марапатталды.
