Мемлекет басшысы жариялаған “Жұмысшы мамандықтар” жылы аясында 2025 жылдың 8 қазан күні “Ақтоғай аграрлық-техникалық коледжі” КМҚК -де “Кәсіп әлемі” кәсіби бағдарға бағытталған құзіреттілік орталығы салтанатты түрде ашылды. Орталықтың ашылу салтанатына Ақтоғай ауданының әкімі Аманжолов А.Б., аудандық мәслихаттың төрағасы Әбеуов Р.Б., Қарағанды облысының білім басқармасының өкілдері, мекеме, бөлім басшылары, қоғамдық ұйымдар жетекшілері, колледж директорлары, әлеуметтік серіктес мекемелер басшылары, мектеп директорлары, мектеп және колледж оқушылары, ардагер ұстаздар қатысты. Басты мақсат - мектеп оқушылары мен жастарға болашақ мамандықтарын саналы түрде дұрыс таңдауына жәрдемдесу, бағыт-бағдар беру, техникалық және кәсіптік білім беру мүмкіндіктері туралы ақпарат беру және жұмысшы мамандықтарының беделін арттыру.
Ресми салтанаттан кейін қонақтар кәсіби бағдар беру кабинетінің бағыттарымен танысты.
*1- бағыт: “Жаңа мамандықтар атласы” - еңбек нарығындағы болашағы бар бағыттармен таныстыру.
*2- бағыт: “Сенің мансап жолың” - болашақ жұмыс орынын дұрыс таңдауына бағыт-бағдар беру.
*3- бағыт “AI профориентатор” - кәсіби қызығушылықтарын анықтауға көмектесетін интерактивті элементтер.
Мектеп оқушылары кәсіби бейімділіктерін жедел анықтайтын тестілеуден өтіп, жаңа мамандықтармен және болашақ білім алу мүмкіндіктерімен танысты.
Сонымен қатар қонақтар Ақтоғай ауданының өнер мектебінің, К.Байсейітова атындағы жалпы білім беретін ресурстық мектебінің, Ә.Бөкейхан атындағы жалпы білім беретін орта мектебі,аудандық қосымша білім беру орталығының ұйымдастырған көрмелерін тамашалады.
Салтанатты шараның қонақтары кешенді жөндеуден өткен колледждің оқу кешенінің ғимараты, жаңадан жабдықталған акт залы, әлеуметтік серіктес “Irkaz Metal Corporation” ЖШСтау-кен компаниясының демеушілігімен жабдықталған оқу-әдістемелік кабинетімен танысты.
Кәсіби бағдар беру кабинетін ашу - аймақтағы кәсіби бағдар беру жүйесін дамытудың және еңбек нарығының қажеттіліктері арасындағы байланысты нығайтудың маңызды қадамы болды.